मोदीको क्यारिकेचरलाई रोक लगाउने कर्मचारी माथि छानबिन

Tweet

भारतीय प्रधानमन्त्री नरेन्द्र मोदीको क्यारिकेचर गरेकै कारण प्रसारण रोकिएको टेलिसिरियल तितो सत्य प्रति सूचना तथा संचार मन्त्रि मिनेन्द्र रिजालले आपत्ति जनाएका छन |मोदीको क्यारिकेचर गरेका भरमा तितो सत्य प्रसारणमा रोक लगाउने कर्मचारी प्रति पनि छानबिन गरि कारवाही गरिने उनले बताएका छन |

नेपाल टेलिभिजनका अध्यक्ष नीर शाहले पनि तीतो सत्यको प्रशारणमा कर्मचारीबाट रोक लगाइनु गलत भएको स्वीकारेका छन | ‘कुनै पनि कार्यक्रम प्रशारण गर्नुअघि हेरेर छलफल गर्ने परिपाटी हुन्छ तर, विनाकारण रोक्न पाइँदैन ‘शाहले भने -‘जसलाई कार्यक्रम हेर्ने अख्तियारी दिएको छ, उसले हेरेर रोक्न पनि पाउनुपर्छ तर, जसरी तीतो सत्य रोकियो, यो सहज भएन ।’तितो सत्यका निर्देशक दिपकराज गिरीले पनि पहिलेको एपिसोड प्रसारण नभई सुटिंग नगर्ने बताएका छन |

नेपालका नेताको जस्तो सुकै गाली भएको एपिसोड प्रसारण गर्न पनि टेलिभिजनले रोक लगाएको छैन आज सम्म तर मोदीको बारेमा किन प्रसारण गर्न नहुने?क्यारिकेचर गर्दैमा मोदीको अपमान हुने पनि त हैन नि गिरीले भने -नेपालमा मोदीको प्रभाव धेरै पर्न थालेको छ |
nepaljapan.com